Twee Witzkes
(von Anita Stiepermann)
Droapen sick twee Buern. Dä ene sach tem annern : "Mensch, wat sühst du so klaterig un schmidderig ut, geht et di nich guett ?"
"Ach", siett dä annere dann, "mine Kauh hadde Verstopfung un eck moch nom Dierdokter. Dä gaw mi en Pulwer, dat moch eck op dä flache Hand legen un däm Kauhdier inne Nase blosen."
"Naja", sach dä annere Buer, "äwe deshalw muaß du doch nich so schlech utseihen."
"Tja", sach dä ene dorop, "dä Kauh hätt teerß gebloasen !"
Oma fierde ähren 90. Geburtsdag. Un wie dat so es, koam ok dä Pastor tem gratlee'en. Hä freig dann ok, wat Oma dän ganzen Dag so möck.
Dä Oma gaw äm Bescheed : "Muorgens krose eck noch inne Küecke rüm, kümmere mi üm dä Kuockerigge, un middags noam Späulen hew eck dann Tied. Eck schloap en büettken, dann sett eck mi bi gueddem Wäer vö dä Dür oppe Bank, öde eck kiek inne Tiedung öde int Fähnseihn."
"Ja", sag dä Pastor, "Sie sind ja noch sehr gut beieinander für Ihr Alter, dann gehen Sie ja sicher auch jeden Sonntag in die Kirche zum Gottesdienst."
"Nee, nee", sag Oma, "do geoah eck nich män hen; wänn dä Hiärrguott mi do sitten süht, denkt hä bestemmt, dä Ölsche hew eck jo ganz vegiätten !"